الأب الروحى !

Article Image

رابع واحد معانا فى سلسلة "أساطير التسويق الالكترونى" هو Claude C. Hopkins وبرغم إنه مات سنة 1932 يعنى قبل ما يبقى فيه حاجة إسمها تسويق إلكترونى ، إلا إننا صممنا إنه يبقى موجود فى القائمة لأنه يعتبر الأب الروحى لطرق الدعاية والإعلان الحديثة وإبتكار عمليات التتبع والقياس لأداء الحملات الإعلانية من قبل ما يتم إكتشاف الإنترنت أو إستخدامه فى الإعلانات ، وهو كان مهتم جدا بإنه يقيس نتائج الإعلانات ويقارن ما بينها ويعمل إختبارات بين الإعلانات المختلفة ويشوف ردود أفعال العملاء عليها يعنى مثلا لو غير العنوان الرئيسى فى إعلان مطبوع أو الصورة اللى فى الإعلان إيه الفرق اللى بيحصل فى معدل إستجابة العملاء للإعلان وإقبالهم على شراء المنتج وبالتالى يقدر يطور ويحسن من جودة الإعلانات بصورة مستمرة علشان يحصل على أفضل نتائج من الإعلانات بأقل تكلفة

 

 

و صدر له كتاب مشهور جدا إسمه "Scientific Advertising" ويعتبر من أشهر المراجع فى أساسيات الدعاية والإعلان بصفة عامة برغم إنه قديم جدا ولكن لسه المبادىء اللى فيه قابلة للتطبيق الآن !

 

 

وأفكاره تعتبر أساس من الأساسيات المهمة لمجالات التسويق الإلكترونى لأن نجاح أى حملة إعلانية على الإنترنت مرتبط بقدرتك على تحليل النتائج وقياس أداء الإعلانات وعمل إختبارات لمعرفة الفرق فى الإستجابة بين الإعلانات المختلفة لنفس العملاء المستهدفين والموضوع ده بقى مشهور جدا فى مجالات التسويق االإلكترونى بإسم A/B Test أو بإسم Split Test ولذلك كان مهم جدا إننا نضيف Claude C. Hopkins فى قائمة أساطير التسويق الإلكترونى

 

 

الرابط المختصر لصفحة تفاصيل موسوعة أسرار التسويق الالكترونى من موقعنا : http://goo.gl/eQS54F

 

الرابط المختصر لتحميل فهرس محتويات موسوعة أسرار التسويق الالكترونى : http://goo.gl/QR9bA4



شارك المقال مع أصدقائك

هذا المقال بواسطه أحمد سامى

كل المقالات

أضف تعليقك